სიახლეები
როგორ მივიღოთ COVID-19-თან დაკავშირებული ინფორმაცია?
20-12-2020
კორონავირუსის შესახებ საზოგადოების ინფორმირებისთვის მთავრობამ სპეციალური ვებგვერდი - stopcov.ge შექმნა, სადაც განთავსებულია ინფორმაცია სახელმწიფოს მიერ განხორციელებული ყველა ღონისძიებების შესახებ, ასევე – ჯანმრთელობის მსოფლიო ორგანიზაციისა და საქართველოს ჯანდაცვის სამინისტროს რეკომენდაციები. კორონავირუსთან დაკავშირებული ინფორმაციის მისაღებად მოქმედებს საქართველოს მთავრობის ერთიანი ცხელი ხაზიც 144.
კორონავირუსის სტატისტიკის, შემთხვევებისა და სიკვდილიანობის შესახებ ინფორმაციის მისაღებად მოქმედებს ინტერაქტიული ვებ-საიტი, რომლის მეშვეობითაც შეგიძლიათ თვალყური ადევნოთ ყველა დეტალს და დაათვალიეროთ ქვეყნებში არსებული პანდემიური სიტუაცია.
იმ შემთხვევაში, თუ ვერ ხერხდება მთავრობის ერთიან ცხელ ხაზზე 144-ზე დაკავშირება, მოსახლეობას შეუძლია 118 08-ზე დარეკვით, 24 საათის განმავლობაში, წამებში მიიღოს ინფორმაცია კორონავირუსის სტატისტიკის, მთავრობის ახალი შეზღუდვების, მთავრობის დახმარების პაკეტების, COVID-19-ზე ტესტირების შესახებ და სხვა. ზარი ფასიანია.
